普巴嘅去向於近幾個轉會窗都成為焦點，於般奴費南迪斯來投後外界普遍都認為該法國中場極有機會今夏就會離隊，不過曼聯教練蘇斯克查日前受訪時就指普巴今年將會留隊。
普巴及其身邊人今年與曼聯關係再度轉差，除早前蘇斯克查與普巴經理人拉奧拿曾隔空開火，蘇B直接「普巴是曼聯球員，而非拉奧拿嘅球員」，而拉奧拿則以「普巴並非由我或曼聯擁有，普巴屬於佢自己。」回應外，普巴哥哥多次於公開場合表示支持弟弟轉投皇馬，令球員與球會、球迷之間嘅關係跌至低點，唔少曼迷都表示希望普巴走人。
延伸文章: 盤點十大英超最高身價球員
於場上表現方面，普巴今季大部時間都因為踝關節受傷而缺席比賽，今季只為曼聯於英超上陣7場(2場後備)，貢獻兩個助攻。
普巴去留成為大家關心嘅問題，蘇斯克查於球隊大勝寧斯嘅賽後記者會上就則表示:「普巴是曼聯球員。佢仍然有2年合約在身，1年加上球會有權再續約1年。大家可以預期普巴下年仍然會於曼聯效力。」
儘管普巴今季長期處於養傷狀態，但目前身價估值仍然高達1億歐元，大家認為紅魔鬼應該留住佢，抑或用普巴嘅轉會資金收購其他球員好呢？
