耶耶托尼宣佈正式退役

耶耶托尼於昨日透過經理人宣佈將會正式掛靴，之後會向教練方向進發。

35歲嘅耶耶托尼自去年12月與希臘球會奧林比亞高斯解約後就再沒落班。職業生涯曾效力過摩納哥、巴塞隆拿及曼城等大球會，曾與球會贏得兩屆西甲、一屆歐聯、三屆英超等所有球員夢寐以求嘅獎項。個人獎項方面，耶耶托尼曾贏得四屆非洲足球先生及多次入選最佳陣容，於近代嚟講絕對係最有成就嘅非洲球員之一。

耶耶托尼職業生涯曾為所有球隊上陣456次，共攻入77球。不過要數到耶耶最難忘嘅事，相信非傳奇般嘅生日蛋糕事件莫屬。