自 Facebook 於幾年前收購 WhatsApp 後，一直盛傳有意將呢個極高使用度嘅應用程式變成具廣告功能嘅工具以作營利用途，而近日終於正式確認呢個消息。
WhatsApp 雖然早前曾試圖以收費下載模式作為主要營利，但最後並無實現。近日就正式公佈將於明年開始會新增廣告內容入WhatsApp 內，以建立新嘅營利來源。不過目前情況仍未太差，因為目前暫定廣告只會出現於香港並不普及嘅 WhatsApp Status 頁面，或未如 Instagram Stories 廣告般過於頻繁咁出現。
另外，是次 WhatsApp 亦公佈將於未來數年於應用程式內加入更具商業化嘅功能，例如商業展示版面、產品推銷等等，睇嚟呢個「零廣告」福地好快就會真正正式淪陷。