Sky Sports 報導，鎚仔幫已經向祖雲達斯前鋒希古恩作出報價，希望可以租借該阿根延前鋒至季尾。
韋斯咸於今個轉會窗已有盧卡斯佩雷斯、阿拿奧杜域及安迪卡路爾三名鋒線球員離隊，故於今夏絕對有為鋒線進行補充嘅需要。
自2018年夏季轉會窗後，希古恩已先後被租借至AC米蘭及車路士兩支球隊，但都不獲收購。現時31歲嘅希古恩共為車路士上陣13場攻入5球，但隨住恩師沙利離開，車仔亦不願意為開始年老嘅希古恩支付高昂身價及周薪。
雖然沙利現時為祖雲達斯主帥，但唔少外媒都報導祖雲達斯並唔願意再留住呢位高薪前鋒，故希古恩目前仍然被放售到轉會市場上。
據報導指鎚仔幫嘅租借報價將包括一條買斷條款，但祖雲達斯則比較有興趣直接將球員出售，標價暫約為3600萬磅。
