威爾斯早前於歐國盃外賽盃憑住藍斯梅開二度擊敗匈牙利，成功獲得歐國盃賽事資格，不過於賽後慶祝時巴爾又再一次令到皇馬嘅球迷傷心。
於比賽過後，威爾斯整隊高舉著一塊威爾斯旗幟，上面寫上「威爾斯、高爾夫、皇馬，就是這個次序。」，直指威爾斯、高爾夫都比皇馬重要，而整隊國家隊中只有巴爾為效力皇馬，旗幟明顯係為巴爾度身訂造。更糟的是，巴爾就站在旗幟後方正中央，而且被傳媒捕捉到其瘋狂大笑。
事發過後，多間西班牙傳媒都於封面直接批評巴爾呢種無禮嘅行為，亦令該威爾斯球星與球迷關係變得更加差。巴爾已近年屢屢傳出不尊重球會嘅消息，例如未被列入大軍名單後嘅觀賽遲到早退，堅持負傷打高爾夫、一直於球會養傷但受到國家隊徵召就即時傷癒等等，加上今次事件相信回到班拿貝一定再受到球迷熱激「招呼」。
外媒則指佩雷斯一直堅信巴爾為陣中最佳嘅球員，仍然可以為「銀河艦隊」帶來佳績。雖然早前有報導指皇馬一月並不會賣走巴爾，但球員今次極具挑釁性嘅行為或會令自己於主場出戰時舉步維艱，假若皇馬戰績不佳時更有機會成為討好球迷嘅犧牲品。
