摩納哥主席 Vadim Vasilyev 早前受訪，大爆麥巴比於轉會PSG曾向其表示自己心中嘅夢想為效力皇家馬德里。
麥巴比貴為現今球壇最受注視嘅球星，唔少球評家都認為佢將為最可能頂替「美朗」稱霸球壇嘅人，於麥巴比離開摩納哥選擇留在法甲時就更有唔少質疑之聲。
Vadim Vasilyev 近日就透露麥巴比於2017年離開摩納哥時，曾向佢表示自己未來嘅計劃：「Vasilyev，我內心深處係希望加盟皇馬，但我認為現時去太早了。目前我只於法國踢左一年，我係一個巴黎人，我唔想咁輕易離開自己國家。」
「我想於法國繼續成長，成為一名更偉大嘅球員，皇馬會等待我的。」Vadim Vasilyev再引述麥巴比嘅說話。
Vasilyev 現時仍然與麥巴比關係非常密切，呢位摩納哥主席更指麥巴比轉會巴黎後並不如外界所說般有所改變:「麥巴比仍然係麥巴比，不過佢一直在成長，現時已經有更大影響力。若果麥巴比無法上陣，佢會感到不舒服。我認為皇馬終有一日會收購麥巴比，屆時整個巴拿貝都會非常歡迎佢。」
雖然暫時麥巴比仍未加盟銀河艦隊，不過本月26日巴黎將會於歐聯A組賽事作客皇馬，麥巴比將會於班拿貝出陣比賽。
