UEFA 昨夜舉行19/20年度歐聯分組賽抽籤，並同時籍此機會就球員去年嘅表現作出表揚，當中最受注目嘅歐洲年度最佳球員就由應屆歐聯冠軍利物浦嘅雲迪克奪得。
歐洲年度最佳球員為球壇最重量級嘅獎項之一，於近屆亦往往代表住金球獎嘅最終得主。由13/14賽季嘅C朗拿度至去年嘅摩迪，都係先獲得 UEFA 歐洲年度最佳球員然後再順利奪得當年金球獎，可見雲迪克奪今年金球獎嘅機會極高。
目前由 UEFA 頒發嘅歐洲年度最佳球員只有12及13兩年未能奪得金球獎。11/12賽季時恩尼斯達奪得歐洲年度最佳球員，但美斯隨後被頒予金球獎。12/13賽季就係大家都記得嘅列貝利獲歐洲年度最佳球員，但C朗拿度就獲得當年金球獎。
除歐洲年度最佳球員， UEFA 亦就去屆歐聯各個位置選出最佳球員，結果如下。
18/19 歐聯最佳門將
18/19 歐聯最佳後防
18/19 歐聯最佳中場
18/19 歐聯最佳前鋒
