德國權威網站 Transfermarkt 剛公佈最新嘅足球員身價估值排名，PSG 雙星麥巴比、尼馬分列頭兩名。
Transfermarkt 每季都會根據球員表現、潛力、年齡等因素綜合估計出各球星身價，而本年最新排名中 PSG 成最大贏家，麥巴比以2億歐元成當今球壇最高身價球員，而尼馬則以1億8000萬歐元緊隨其後。
此外，熱刺嘅哈利簡尼、利物浦嘅沙拿、剛轉投皇馬嘅夏薩特及於美洲盃苦戰中嘅美斯都同樣以1億5000萬磅分列第3-6名，今季表現突出嘅史達寧則令人驚喜地以1億4000萬位列第7名。
前十名最高身價球員中，英超佔去五席成最大贏家(已除去轉會嘅夏薩特)，西甲有三席、餘下兩席由法甲包辦，意甲、德甲都無球員身價可晉身前十。
值得一提嘅係，仍然非常當打嘅C朗是次只能以9000萬歐元位列第25名，比起唔少潛力新星如辛祖、夏維斯等嘅排名更低。去季表現出色嘅雲迪克亦同樣被估值9000萬歐元位列24位，可見球壇始終都係較為重視攻擊球員。
Transfermarkt 最新前50位球員身價榜
