昨夜歐聯再次上演分組賽事，球迷本來期望最大戲碼賽事熱刺對拜仁會出現勢均力敵嘅激戰。但比賽最後結果卻令人大跌眼鏡，主場嘅熱刺竟然以2-7落敗，同時刷新多項熱刺本身以至於英超球隊記錄。
今仗熱刺上半場尚算可以抵擋拜仁，互有攻勢下只是於半場前被利雲一腳盡現射手觸角埋門才會以輸1:2結果進入更衣室。不過下半場開賽不久，基拿比已經連進兩球，雖然簡尼以12碼追成較接近嘅2:4，但基拿比於83分鍾上演帽子戲法後熱刺已經崩潰，再於87、88分鍾極速再失兩球，最後以2:7結果完場。
以往阿仙奴被拜仁大炒時，唔少熱刺球迷都係恥笑「兵工廠」嘅參與者之一，想不到今日卻繼承阿仙奴成另一主角，而結果更慘。
對熱刺而言，今場係球隊歷史上首次於主場單場失七球，已經係極大恥辱。除此以外，今場比賽亦係繼1995年熱刺於歐洲足協圖圖盃輸0-8後，再有英超球隊於歐洲賽事單場失七球，而5球分差亦係英超球會於歐洲賽事中主場嘅最大分差，三個記錄已經足夠令熱刺顏面盡失。
普捷天奴早前已多次有意無意向球會展示不滿，今場比賽會否成為加速離隊嘅催化劑呢？
比賽精華
