據外媒透露，曼城翼鋒史達寧因近季出色嘅表現受到青睞，兩支西甲豪門皇馬及巴塞都有意將其帶到陣中。
報導指「銀河艦隊」早前已經與史達寧嘅經理人作出聯系，向佢表示有意簽入該英格蘭球星，而曼城亦清楚知道此消息。
另一方面，巴塞名宿沙維亦公開表示史達寧為接任蘇亞雷斯嘅最理想人選。沙維於早前曾向傳媒指出史達寧為其中一位最有可能接替「美朗」壟斷時代嘅球星，而假若如外間所指沙維將會接任巴塞主帥，此宗交易嘅成數將會大大提高。
史達寧上季為「藍月亮」上陣51場比賽，共交出25個入球，18個助攻，而今季上陣8場亦交出7個入球、1個助攻，狀態非常火熱。
據外媒估計，24歲嘅史達寧目前身價為1.5億英鎊，球員本身對出國發展亦持開放態度。曼城方面則希望力留呢位高效球星，早前已決於季尾與呢位尚餘三年合約嘅英格蘭翼鋒續約。
