Sony申請專利 PlayStation 5 外型設計曝光

自 PlayStation 5 嘅消息傳出以來，呢部 Sony 新一代主機嘅外型已經備受猜測及期待，而近日外媒透露嘅消息就正式為 PlayStation 5 嘅外觀帶來更確切嘅消息。

近日外國媒體公佈咗一份有關 Sony PlayStation5 嘅外觀設計專利，有指 Sony 嘅技術總監 Yusuhiro Ootori 已向巴西國家工業產權局申請此項專利，並已於世界智慧財產權組織中完成註冊，故此專利設計圖為 PlayStation5 新外型嘅機會非常大。

是次設計專利圖中披露嘅 PlayStation5 外型與過往主機分別頗大。是次 PlayStation5 機型主要以一個「V」字作主體，相信其喻意為第五代主機。除此以外，今次披露嘅設計外型中可見主機將會有大量散熱孔、開槽等，相信係為今次高性能嘅 PlayStation5 散熱功能作出提昇，並可預見其性能將會大大提昇。

直到目前為止，SONY 尚未為 PlayStation 5 作出正式嘅發佈，想緊貼呢部劃時代主機消息嘅朋友記得 Follow HOMME 嘅更新啦！