每個男生家中必有嘅 PlayStation 系列新主機終於有官方正式資料。PlayStation 昨日已經於官方嘅社交媒體宣佈下一代主機為會命名為「PlayStation 5」，並預計於2020年底正式發售。
PlayStation 5 早於今年已先後多次有消息流出，主要賣點包括支援8K 解像度輸出、全部主機都採用SSD加速載入、內置 UHD Blu-ray 光碟機及兼容目前 PlayStation 4 嘅遊戲等等。
除此以外，是次主機嘅 DualShock 亦會有重大改革。外國媒體指出隨住主機推出嘅 DualShock 5 將會採用 Haptic 技術取代過往嘅震動技術，而L2 和 R2 掣則會採用了具有壓力回饋嘅 Adaptive Trigger。採用 Haptic 技術最大特點為賽事、足球等等遊戲時會產生不同嘅碰撞感覺，而且於遊戲內地形改變亦會有更真體嘅反應回饋，加上 Adaptive Trigger 適應性扳機就可令玩家於遊戲時產生抵抗感，或於不平嘅路面移動時有更像真手感。
規格主面，PlayStation 5 將採用 AMD Ryzen Zen2 8 核 16 線程處理器及AMD Radeon RDNA GPU，配上內置嘅特制高速存取 SSD，令遊戲載入速度大增，並令遊戲畫面嘅細緻度、體驗大增。
根據 Sony「123」慣例，預告於2020年底即相當有機會於2020年嘅12月3日正式推出，預計明年6月嘅E3遊戲展就會有 PlayStation 5 嘅實機樣版甚至示範，大家要拭目以待啦！
另外，早前有外國媒體大爆 PlayStation 5 嘅外型設計，有興趣可到以下文章率先望一望：
Sony申請專利 PlayStation 5 外型設計曝光