Sky Sports News透露，曼聯為與宿敵曼城搶人，已經向李斯特城嘅哈利麥佳亞作出一份高達7000萬英磅嘅報價。
自去季夏天起，舊帥摩連奴早已揚言曼聯後防需要進行補充，否則賽季將會非常困難，而去年夏天曼聯並未有於後防進行任何重點收購。結果於18/19英超賽季紅魔鬼後防共失54球，比起頭兩名曼城、利物浦嘅23、22球多出一倍有多，今夏對防線補充絕對刻不苦緩。
紅魔目前已經由水晶宮以5000萬磅簽入右閘雲比沙卡，而中堅位置則一直未有落實交易。早前多間外媒都指曼聯已將今夏中堅目標定為哈利麥佳亞，但需面對同市死敵曼城嘅競爭。
目前曼聯與李斯特城已經進行長達數周嘅商討，而最新消息為曼聯已經將報價提昇到7000萬英磅，以求盡快完成交易，於收購一事擊退曼城。
據悉哈利麥佳亞本人對於李斯特城嘅生活非常滿意，並唔會主動請求離隊，但與此同時對轉投「Big 6」球隊持開放態度。
李斯特城方面亦沒太大興趣出售呢位英格蘭中堅，而若要令球會放人則需7500萬磅才有商討空間，而李城目前仍然樂意見到兩間曼市球會就哈利麥佳亞作出競投報價。
到底曼聯一舉提昇報價至7000萬磅能否投得所好而歸，或是又一次成抬價部？相信未來數周會有定案。
