Sky Sports News 透露，意甲兩支豪門球隊祖雲達斯及羅馬都有意邀請沙利擔任下季領隊。
隨住艾歷臣離任，祖記目前正積極尋找新教練為來季盡早做好準備。由於熱刺嘅普捷天奴離隊機會甚低，目前祖記已經鎖定沙利或拉素教練恩沙基為下一任教頭，將待歐霸盃後再探討沙利去向。另一支意甲球隊羅馬亦盛傳對「煙Sir」有好大興趣，有意邀請佢重返意甲代替季尾離隊嘅雲尼亞里。
雖然沙利今季帶領車仔於競爭激烈嘅英超奪得第三名又殺入歐霸決賽，但不論管理層或是球迷都對 Sarri-Ball 有所不滿，批評聲音包括於低潮時重用佐真奴、希古恩，又未有給予赫臣奧度爾足夠上場時間等等。現時沙利與球隊仍有一年合約，但普遍傳媒相信沙利不論對離開車路士或重返意甲都持正面態度。
若沙利於季尾離隊嘅話，現時正帶領打比郡衝擊英超嘅林柏特將成繼任熱門人選。
