意大利 SNAI Sportnews 報導，現時懸空嘅祖雲達斯教頭一職將由沙利接任，歐霸盃後就會正式公布。
報導指沙利由於係車路士過得並不如意，故決定離開英超重返意甲，目前已經接近與祖雲達斯簽署為期三年嘅合約，年薪約為700萬歐。由於目前車路士仍在備戰歐霸盃決賽賽事，故目前並唔會作出任何官方宣佈。
沙利目前與車路士仍有合約在身。今季車仔雖然獲英超第三及殺入歐霸決賽，但艾巴莫域治及球迷都對沙利不滿，普遍相信球會無意留住沙利。但「煙帥」仍然需要與車路士商討離隊方案，最後有機會需以支付違約金形式辭職離隊。
值得一提嘅係，沙利愛徒之一希古恩於車仔租借期滿後將重返祖雲達斯，兩師徒又可再度合作。若沙利真正上任，唔知祖記會否簽下佐真奴呢？
