沙利已決定冬季放走戴巴拿

據 Corriere dello Sport 報導，意甲班霸祖雲達斯已決定於一月放走阿根延球星戴巴拿。

意大利媒體指沙利已認定戴巴拿不能與C朗拿度並存於攻擊線上，於二者之間「煙帥」將會選擇力保C朗而放棄戴巴拿。

戴巴拿於C朗來投前嘅17/18賽季，共為「班馬兵團」上陣46場並攻入26個入球，交出7個助攻，為祖記球迷之寵兒。

不過自C朗拿度加盟祖記後，戴巴拿嘅表現大大倒退。於上個賽季該阿根廷球星只於42場比賽中為球隊交出10個入球，5個助攻。今個賽季戴巴拿嘅上陣時間更被大大壓縮，目前只於三場比賽中共上陣96分鍾，共無交出入球、助攻。

於夏季轉會窗臨完結前曾有傳聞指戴巴拿已鐵定離隊，不過最後因球隊極力希望留隊而告吹。據悉若祖記決定放人嘅話，兩支英超兵熱刺、曼聯都有意於冬季收購該25歲前鋒。