西班牙國家隊剛於傍晚公佈最新大軍名單，經歷嚴重傷患嘅辛迪卡蘇拿於四年後回歸國家隊！
前阿仙奴中場卡蘇拿於回歸維拉利爾前曾因傷缺陣668日，亦令佢有一段時間無緣國家隊。呢位西班牙中場歸出後無令球迷失望，今季於西甲表現優秀交出4個入球10個助攻，令唔少睇死佢重傷後要退役嘅球迷大跌眼鏡。是次西班牙公佈出戰法羅群島及瑞典兩場歐國盃外圍賽名單，卡蘇拿終苦盡甘來入選！
除卡蘇拿外，伊斯高繼早前缺陣對挪威及馬耳他後再次入選，皇馬共有四位球員入選而巴塞有三位。其餘位置雖未有太大變動，但預計迪基亞正選門將之位或被車仔嘅艾里沙班拿加取代。
入選名單:
