盧卡古近日受訪時再談及當初離開曼聯嘅決定，並透露轉投國際米蘭前教練蘇斯克查曾經給予挽留。
該名比利時前鋒去年八月開始轉投意甲發展，完結其2年嘅曼聯生涯，當中以第二個賽季最為難受。
曼聯教練蘇斯克查曾經於九月時向傳媒表示放盧卡古離開係一個正確嘅選擇，因為可以給予年輕小將格連活特上陣機會。
盧卡古近日受訪時表示：「每位球員都有機會渡過一個失望嘅球季，包括我。當時我需要做一個極困難嘅選擇 – 於另一個地方去學習，同時去與希望和我合作嘅人共事。」
「蘇斯克查曾經對我作出挽留，但我明確告訴他曼聯生涯已經完結，我已經再無活力留隊。不過仍然非常感謝他幫助我離開。」
此外，盧卡古又透露當時於國米及祖雲達斯中間嘅抉擇：「當時選擇那一家球會非常難以決定，但國際米蘭於我心目中仍然會稍為領先。當我仍然係小孩嘅時候，我非常享受國米嘅比賽，特別係阿祖安奴及朗拿度嘅表現。」
「當我收到國際米蘭嘅報價，特別係於國米、車仔或是祖記都想與我合作嘅干地再次邀請，非常明顯地我認為係離開曼聯嘅時候了。」
轉投意甲後盧卡古重獲新生，於25場意甲斬獲17個入球，於干地嘅球隊佔有非常重要嘅地位。
