當今球壇天之驕子之一C朗於現今足球界舉重輕足，而曼聯名宿李奧費迪南早前受 Manchester Evening News訪問時就大談與當年初出茅廬嘅C朗嘅趣味往事。
當今球壇最傳奇射手之一C朗拿度當年由碧咸手上接過極具代表性嘅曼聯七號球衣，期間與費迪南為球隊捧走三次英超、兩次聯賽盃及歐聯，完美接替碧咸離開後嘅位置。而李奧於訪問中就透露原來當年另有妙法去激勵C朗。
李奧指當時紅魔更衣室內有兩種人，有一種經常都係更衣室大吵大鬧、希望可引起他人注意;另一種則比較沉默寡言、並不在意，而當時C朗則經常受隊友考驗。
「C朗係一個好勝心非常強嘅球員，要激起佢嘅鬥志非常容易。我及當時幾名隊友會經常對佢講”碧咸係曼聯真正嘅七號球員，真材實料”。C朗聽到後就會變成動力，馬上勤力訓練，因為佢想成為世界上最好嘅球員。」李奧補充。
另外，李奧又透露當年C朗自由球令人聞風喪膽嘅原因。原來當年隊友經常都會係C朗面前提起碧咸嘅罰球功架十足，每每於死球中拯救球隊。而C朗聽完後就會不停加操訓練自由球，令自己喺呢方面大有進步。
其實除李奧外，有唔少曾於C朗合作嘅球星都大讚佢非常勤力，而且好勝心極強，今時今日如日方中嘅C朗拿度嘅成功其實絕非僥倖，反倒是由汗水及勤力積聚而成。
