Marca 報導，一直未有定季嘅皇馬一、二號門將之爭已經有結果，古圖爾斯將成首選，而拿華斯將留隊任副選門將。
早前施丹已明確表示古圖爾斯將為未來銀河艦隊門將之首選，但副選位置一直未定。
除古圖爾斯外，現時皇馬分別有拿華斯、盧卡施丹及天才小將盧寧三位門將人選。雖然早前有報導指PSG有意收購拿華斯頂替離隊嘅保方，但一直未有新消息，目前睇嚟拿華斯留隊機會相當大。
若拿華斯願意留隊出任副選，盧卡施丹、盧寧其中一人就必須外租到其他球隊以獲得上陣機會，由於施丹嘅關係，相信盧寧被外借機會較大。
雖然現時初步確定古圖爾斯為首選門將，但其實呢位比利時鋼門上季表現一般，亦不受球迷歡迎。若古圖爾斯今季再有失手嘅話，較受球迷喜愛嘅拿華斯或有力與其競爭。
