Daily Express 報導，皇家馬德里已經向PSG作出報價，希望用占士洛迪古斯再額外加1.11億英鎊求購尼馬。
早前尼馬於PSG對陣尼姆一戰上並無入到大名單，但看台上唔少巴黎球迷都高呼「尼馬離開」向其近日態度表示不滿，更有人指尼馬為PSG之恥，賽後教練杜普賽後亦表示該巴西球星未來仍然處於不明情況。此外，早於六月已經有傳媒指卡塔爾財團已對尼馬失去耐性，並希望於今夏清走呢位麻煩友。
目前尼馬嘅最大競爭者主要為西甲兩支頂級宿敵巴塞隆拿及皇家馬德里。昨日巴塞方面已有消息指已動用古天奴+施美度+5000萬歐元以打動巴黎，而今日就有消息指皇馬希望用占士+1.11億鎊去令PSG放人。
近日施丹曾向傳媒表示占士目前仍然為皇馬嘅一員，而昨日亦被球隊分配下季球衣號碼為「16號」。不過由於占士近期熱身賽都未有上陣，唔少皇馬球迷或外媒都普遍對占士留隊並不樂觀。
對巴黎而言，球隊相信會傾向於出售尼馬一事上多收回現金。除此以外，巴塞巴黎兩支豪門近年交易上都時有爭執，關係並不佳，目前皇馬於「尼馬爭奪戰」上可能會稍佔先機。
