於早前歐聯比賽皇馬對陣布魯日嘅賽事當中，門將古圖奧斯於失兩球下被半場換走，賽後有唔少外媒指球隊不滿其表現，而球員本身亦深受焦慮症影響發揮。近日古圖奧斯為比利時出戰國際賽時就終於正式予以否認。
該場比賽過後，皇家馬德里官方發表聲明指半場換走古圖奧斯是因為球員本身有不適，半場甚至出現嘔吐問題，但不少球迷都對該聲明半信半疑，認為球隊是因為其令人失望演出才將佢換走。
對於被指惹上焦慮症而未能發揮出水準，古圖奧斯昨日亦正式回應:「我知道作為一名優秀嘅球員意味著什麼。目前我非常快樂，並無焦慮問題。」
「作為傳媒嘅責任並不應該發佈謊言，又或是不合常理嘅報導。因為很多人目前都深受焦慮症困擾，呢類報導對於球員，抑或受焦慮症困擾嘅人都係非常不尊重。」該比利時門將又炮轟傳媒不尊重。
「班拿貝嘅球迷非常嚴格，我們所有皇馬球員都知道。我們會儘力去滿足他們，令球迷可以為球隊送上掌聲。我目前已經康復，自星期三起已可進行整課訓練，並且同時體重亦下降數公斤。」古圖奧斯最後補充。
