曼聯早前作客狼隊痛失2分，普巴搶射十二碼被撲出成眾矢之的。英國 The Sun 翻查英超記錄，原來11個十二碼只命中7球嘅普巴並非歷來最差劊子手，只位列第六。
The Sun 根據英超官方記錄，翻查英超中十二碼操刀超過10球嘅球員，並找出當中射十二碼最差嘅幾位球員。記錄中原來當年效力維拉嘅安祖為「浪費十二碼之王」，由其處理嘅10球十二碼之中，只有一半成功射入，可以話係炒十二碼嘅專家。
令人驚喜嘅係第二位為現役球員 – 現時效力曼城嘅馬列斯。呢位阿爾及尼亞翼鋒於英超共射過12球十二碼，當中只有7球成功破門，命中率只有58%。
普巴於是次榜中以64％命中率位處第六位，11球十二碼中入7球，命中率為64%，比起一般球員嘅命中率班實有可改善之處。
雖然普巴射失十二碼令球隊痛失兩分，不過賽後領隊蘇B及原來嘅劊子手拉舒福特都向該法國中場表示支持，與其再以結果論去攻擊普巴，不如大家就其於場上態度作出評價可能會更為實際。
