曼聯目前正於澳州展開季前集訓之旅，而蘇B亦於今夏首次與記者會面，回應一系列近期有關曼聯嘅傳聞。
就普巴、盧卡古、拉舒福特及連加特早前嘅轉會傳聞，蘇斯克查表示自己已與四位球員分別進行交流，至今並未收到任何報價，而球隊現時亦無需要出售任何球員。
要數曼聯現時嘅傳媒焦點非普巴莫屬，唔少記者都對普巴於曼聯嘅未來或態度感興趣。蘇斯克查就補充:「普巴係一位非常專業嘅球員，從沒為球隊帶來任何問題。早前有傳媒指連加特與普巴有爭執，但其實雙方並無任何問題，問題從沒存在。」
曼聯下季無緣歐聯，加上近季戰績一般，唔少人都認為現時曼聯要招攬球員非常困難。蘇斯克查被問到現時轉會市場政策就有另一番睇法:「我地係曼聯，我們無需出售球員，或以高價去招攬球員。不妒看看曼聯陣容，我地嘅現時陣容現時非常強大。不過我們仍然於轉會市場當中，我們會尋求更多交易，但絕不會輕易賣人或超過市場價去購買球員。」
最後，就迪基亞續約問題蘇B表示現時與球員談判有正面嘅回應，希望迪基亞可以於未來繼續留於曼聯。
