今屆Sony並沒參與E3遊戲年度盛事，但於大會前夕又再有最新主機PlayStation 5 嘅情報釋出，是次消息相信會令現有PS4用家非常興奮。
據 TECHSPOT 報導，PlayStation 首席執行官 Jim Ryan 近日再度發佈有關 PlayStation 5 嘅軟/硬件消息。Jim Ryan 指 Sony 希望為玩家帶來一個「誇世代嘅遊戲體驗」，玩家可以於PS4上遊玩兼容性遊戲，再於 PlayStation 5 上繼續遊玩存檔，然後甚至可再轉回PS4上繼續。
除誇主機遊玩外，Ryan 亦透露 PlayStation 5 會首次將固態硬碟 SSD 作為主機嘅預設零件，並不會作為upsell或強迫玩家使用較慢嘅SSD傳統硬碟，大家可以預計下一代主機嘅讀取遊戲時間將大大縮短。
此外，未來推出嘅 PlayStation 5 將會支持4K/120Hz 遊戲，相信呢個賣點將吸引部分追求高幀率嘅電腦玩家轉會，或至少同時擁有PC及PlayStation 5。
PlayStation 5 雖然目前仍未正式公佈推出日期，但除以上情報外其實早前已有其他官方消息傳出，例如新主機將支援8K圖像、支持實時光線追蹤、使用8核心AMD Ryzen 處理器及Navi GPU等等，亦有消息指各大遊戲公司已著手研發 PlayStation 5 遊戲，相信離正式發佈之日愈來愈近。
是次情報最令人興奮相信為大家可以於新舊主機共用存檔，以後就可以將舊主機當成副機使用而非購買新機後忙於將舊機脫手。
