派路貴為一代中場大師，於退役前後都有唔少球員被指踢法似足佢而身價大昇，近期最著名嘅就有「新派路」之稱嘅東拿利，那麼派路自己心目中嘅接班人又係邊位呢？
Radio Bianconera 近日訪問派路時，呢位意大利名宿為此給出答案。派路指:「若要說到與我踢法最相近嘅球員，我認為是效力巴塞隆拿嘅迪莊。比真歷與我嘅踢法亦有相似之處，但我們始終對球嘅處理手法有所不同。」
巴塞隆拿於今個夏天以7500萬歐元由阿積士引入迪莊，目前為球隊於西甲上陣六場，交出1入球1助攻。不過迪莊似乎未能為球隊帶來好運，目前巴塞於六輪賽事後只有三場勝仗，以10分排喺西甲第四位。
現時迪莊只有22歲，與於球壇歷盡風雨嘅派路相比可算是初出茅廬。不過呢位荷蘭中場嘅潛力大家都有目共睹，相信假以時日絕對可以有機會與派路相提並論，甚至超越前輩。
