意大利傳媒報導，祖雲達斯戴巴拿即將於短期內與球會進行合約談判，並續約至2024年。
今年夏天戴巴拿曾經與兩支英超豪門曼聯、熱刺非常接近，但最後因球員極力希望留隊而未能成事。
早前戴巴拿母親受訪時曾表示該名阿根廷球星現時於都靈非常快樂，於場上表現良好。佢指兒子未能上場時會感到傷心，但目前明顯地戴巴拿非常開心。
戴巴拿現時合約於2022年就會屆滿，今季為祖記共上陣7次，交出1入球、3助攻，當中包括對陣國米嘅榜首大戰攻入先開記錄嘅一球。
早前有傳媒指曼聯、熱刺對戴巴拿仍然有興趣，是次續約談判到底是真心留低呢位球星抑或抬價，相信一月就會有答案。
