BANDAI 正式宣佈，海賊王最新嘅家用機動作遊戲作品《ONE PIECE Pirate Warriors 4》繁中版將於2020年正式發售，並於PS4、PC Steam 及 Switch 上架。
自2012年首度推出嘅《海賊無雙》面世以來已經極受歡迎，遊戲融合超人氣漫畫作品《海賊王》及爽快度十足嘅《無雙》玩法，現時全球銷量已達400萬套，取得勁好成績。玩家於遊戲中除可享受《海賊王》內嘅劇情外，亦可以簡單操作享受角色「大殺特殺」嘅感覺，於舒壓及遊戲性上都非常滿足。
《ONE PIECE Pirate Warriors 4》將會以「擬真海賊王體驗」作為是次作品之最大特色。玩家是次除可像以往般爽快殺敵外，於今次作品亦特別加入破壞建築物及煙塵瀰漫等場景要素，而開發商更指今次作品更會有更多不同嘅突破元素，將令玩家嘅爽快感及遊戲感受再進一步提昇。
事不宜遲，馬上欣賞《ONE PIECE Pirate Warriors 4》嘅概念宣傳影片:
