「雙紅會」大戰落幕，曼聯於被看淡下被利物浦於完場前追和，雙方打成1-1和氣收場。賽後紅魔領隊蘇斯克查就表示球隊失掉兩分，曼聯應該要全取三分。
紅魔鬼今場37分鍾就憑拉舒福特打開記錄，一直領先至85分鍾方被紅軍後備兵拉蘭拿追和。對於完場前被扳平，蘇B表示:「結果當然有遺憾，但我並不失望。今場比賽球員非常落力，亦有效執行戰術，我非常滿意，球隊正在進步。不過對於曼聯球員，他們於更衣室就非常失望，因為我們今場應該全取三分，而非失掉兩分。」
「利物浦係一支非常有實力嘅球隊。無錯，今場對方壓住我們進攻(利物浦控球達67.9%)，但其實對方並無創造到真正嘅入球機會。對於利物浦呢種有實力嘅強隊，我們本來應該攻入第二球去完結比賽，但就因為出現失誤付出代價。」對於利物浦嘅表現，蘇斯克查再補充。
除此以外，蘇B今場亦盛讚球證表現，指對方令雙紅會成為一場真正嘅打吡戰，並表示拉舒福特入球前球隊並沒有犯規，而文尼嘅詐糊亦確實為手球。
對於今場嘅3-5-2陣容，蘇斯克查則表示未確認未來會否再使用，會因應可上陣球員再作決定。
