法甲里爾主席 Gerard Lopez 早前受訪，正式確認24歲嘅尼高拉斯比比好大機會於近期離隊，有指曼聯已為該科特迪瓦翼鋒報價7000萬英鎊。
尼高拉斯比比去季共為里爾上陣41場，並攻入23個入球、交出11個助攻，其高效進攻表現於今夏引來唔少豪門關注。
球員本人早前已表示今夏有意離開里爾，而主席Gerard Lopez亦早已表明球隊已為該球員嘅離開作出準備。
對於尼高拉斯比比去向，Gerard Lopez早前受訪坦認：「如果有球員離開，我們會繼續前進並希望獲取球隊所需要嘅野。對於尼高拉斯比比，去年夏天他就曾經接近及獲球隊批準離開。今個夏天轉會窗，我們收到更大球會及更高金額嘅報價，所以我認為佢將會離開球隊。」
據報目前曼聯嘅7000萬報價最接近成功收購比比，而其宿敵利物浦亦被指處於呢場爭奪戰之中。
