據外媒透露，里爾已同意阿仙奴為尼高拉斯比比開出嘅7200萬鎊報價，未來兩天將完成體測並宣告加盟。
里昂球會主席 Gérard Lopez 早前受 RMC 訪問亦坦認轉會已經完成:「比比已經就轉會作出決定，我們認為好快就會正式落實。目前收到嘅轉會報價為7200萬鎊，雖然我們將轉會延遲可能會收到更多更高嘅報價，但我們已決定專注於目前嘅出價。」
阿仙奴今季已由皇馬租借入斯巴路斯，但於收購翼鋒上一直未能成事。據悉由於原本追求嘅沙夏售價太高，兩度出價嘅阿仙奴已放棄收購呢位水晶宮翼鋒，故將收購重點轉為尼高拉斯比比。
據報是次交易阿仙奴將以分期形式支付，於今夏將會先付2000萬歐元，餘額將於未來數年付清。
尼高拉斯比比上季表演出色，為里爾於法甲上陣37場共交出22個入球11個助攻，進攻效率非常驚人。
