據 L’Equipe 報導，巴黎聖日耳門已經對陣中頭號球星尼馬忍無可忍，今個轉會窗只要有合理報價就會樂意放人。
PSG 主席 Al-Khelaïfi 近日受 France Football 訪問時表明「球員需要比以往肩負更多責任，必須做得更多及更努力。佢地必需明白於球隊內不是為自身娛樂鬧著玩，若球員唔同意嘅話，離開大門隨時會為佢而開。陣中部分球員嘅超級球星行為實在難以忍受。」
Al-Khelaïfi 雖無明言，但非常明顯此番話為針對尼馬所講。近年尼馬多次傳出與隊友不和，爭射罰球、十二碼，甚至不滿教練調動等等，現時於法國與歐洲亦分別停賽。此外，呢位巴西球星現時陷入性侵案指控之中，隨時有嚴重後果，種種不專業行為明顯地不符合其身價及薪金。
此外，眾所周知 PSG 一向以歐聯冠軍為主要衝擊目標，但尼馬每年都於關鍵時刻受傷，間接令其於歐聯上毫無發揮機會，近屆早早出局。尼馬雖然剛剛傷癒復出，但於備戰美洲盃時又再度受傷需休養，如此高薪嘅「玻璃腳」實在令巴黎無法忍受。
據悉現時尼馬加盟銀河艦隊嘅機會已經極低，但其死敵巴塞就有機會重新回購呢位巴西球星。早前唔少外媒都指美斯極力希望球隊可以重新收購尼馬，而巴塞方面亦有機會不惜以PSG有意嘅古天奴或其他球員作交易籌碼，大家可以今夏可以留意事態發展。
