EA《FIFA》早前於 FIFPlay 進行公眾讓球迷投票選出《FIFA 20》封面人物，最後深受轉會轉聞嘅尼馬以輕微差距擊敗孫興慜，成球迷心中下集《FIFA》封面。
熱刺嘅孫興慜去季表演出色，於是次投票中一直於前列位置，於二月時更一直與球王C朗拿度叮噹馬頭，更曾有擊敗C朗成為票選《FIFA 20》封面球星嘅勢頭。隨住 PES 於祖雲達成協議，C朗就開始被 PSG 球星尼馬從後趕上，最後更後來居上以 306,882 票成為球迷首選封面人物。
至於孫興慜則僅僅以71票落後，取得306,811票未能贏出是次投票。C朗、美斯則分列第三、四名，利物浦球星則奪得第五名。值得一提嘅係中國又發揮其投票機器作用，愛斯賓奴球員武磊以79,000票排名第七，比麥巴比、普巴等球星獲更多票數。
《FIFA 20》9月27日就會正式推出，大家可觀望一下EA會否尊重民意由尼馬擔任封面。
