尼馬麻煩多多，繼早前於被曼聯反勝後於Instagram爆粗鬧球證被鬧歐冠停賽3場後，近日又因於法國盃賽後與球迷動手而被法國足總宣佈停賽五場，當中有兩場緩刑。
事件發生於上月底法國盃決賽PSG對上雷恩一戰賽後。PSG於該仗領先兩球下被迫和，最後更於互射12碼環節飲恨，未能達成法國盃五連霸。賽後尼馬於步上頒獎台時與球迷發生爭執，該巴西球星更被影到出手襲擊球迷，引來法國足總正式起訢。
今季PSG表演遠差於預期。雖然仍然於法甲及超級盃奪冠，但聯賽盃八強就出局，亦失落法國盃決賽，最重視嘅歐聯亦只能十六強止步，故唔少球迷對尼馬等主力都有所不滿。尼馬於一月份傷出後已經休息近三個月，但傷出後竟然分別於法國及歐洲戰場被停賽，未知巴黎班主仲可否忍受到呢?
