曼聯昨夜英超再度失利，以0比2負於韋斯咸，六輪比賽後只有8分排行第八位。
前紅魔主帥摩連奴擔任賽評時就對拉舒福特擔任「九號仔」有所意見。摩佬指:「拉舒福特應該擔任類似文尼嘅左翼角色，佢會比踢「九號位」更強。」
「福仔可以踢九號仔，可以係一個危險人物。不過當其他球隊去到奧脫福泊大巴時，佢並唔係一個可以背向龍門嘅殺手。我認為佢一季大約只可取得10-12個入球。」
自放走盧卡古後，曼聯目前已無一位正宗中鋒可以使用。經過昨日比賽拉舒福特受傷後，連同早前受傷嘅馬斯亞、扁桃體發炎嘅格連活特，紅魔現時正面對一個無鋒困境。
蘇斯克查目前帥位岌岌可危，再加上無鋒困境，看來現時只可寄望接近一年無入球嘅「連美斯」頂上力保帥位。
