著名網站 transfermarkt 近日公佈現時球壇估值最高身價德國球員頭十名，曼城嘅利萊桑尼成為當中最貴一位。
於頭十名德國球員中，德甲班霸拜仁慕尼黑佔去四席，包括甘美治、蘇利、基拿比及哥利斯卡，而利華古遜嘅夏維斯、萊比錫嘅添姆華拿及多蒙特嘅白蘭特亦分別入選，德甲佔去頭十名中嘅七個席位。
其餘三個席位分別由曼城及兩支西甲豪門皇馬、巴塞奪得，曼城嘅利萊桑尼以估值1億歐元身價居首。呢位23歲嘅翼鋒目前仍然養傷當中，預計下年2月才會復出。桑尼自2016年加盟藍月亮後為球隊總共上陣134場，交出39個入球、45個助攻，拜仁若想再次求購難免要大灑金錢。
入選嘅十位德國球星當中，利華古遜嘅夏維斯為當中最年輕嘅一位，該名只有20歲嘅中場以9000萬歐元估值排於身價榜第二位。29歲嘅皇家馬德里中場卻奧斯成為當中最老球星，並以6000萬歐元身價位列第八。
