為改善後防問題，曼聯昨日終於正式確認以8000萬鎊簽入哈利麥佳亞，超越雲迪克成後衛嘅史上最高價收購。
外媒 Marca 就特意選出當今球壇中各位置最高轉會費球員，曼聯除新簽入嘅麥佳亞外，中場普巴亦以1.05億歐元成另一入選魔兵。
近季英超競爭激烈，各隊為於英超保持競爭力都紛紛高價搶走心頭好，十一人中就有六位來自英超。當中包括:艾利沙巴拿加、卡爾獲加、雲迪克、麥佳亞、普巴及曼城新援洛迪高。
此外，油王嘅巴黎雙星尼馬、麥巴比則仍然為當今球壇最貴嘅兩位球員，分別價值2.22億歐及1.8億歐。除巴黎外，曼市雙雄都有兩位球員入選，但暫時三隊近年於歐聯都未有太大作為。
