大家仍記得2018年推出嘅《Monster Hunter: World》嗎？上年於PS4剛推出時風靡一時，唔少玩家每日都埋頭苦幹與好友一齊屠龍，更有唔少人為升HR放棄生活，認真瘋狂。
作為備受期待之作，《Monster Hunter: World》於推出首三日就打破前作《MONSTER HUNTER PORTABLE 3rd》嘅 490 萬銷量，可見其當時於遊戲市場帶來之震撼。不過現今遊戲世界日新月異，每日都有唔少新題材、新玩法嘅遊戲出現，短短一年於 Friend List 中仍在玩「芒享」嘅已成極少數。
相隔一年後，CAPCOM 終為遊戲帶來一個超大型嘅 DLC – 《Monster Hunter World: Iceborne》。是次發表嘅故事預告可見新資料片將為一眾玩家帶來眾多新元素，例如新世界「永霜凍土」及前線據點「月辰」、新故事、新魔物及玩家可使用嘅新動作及各武器嘅新招式等等。與其說係資料片，其內容之多其實好比一款重製嘅新遊戲。
除以上內容外，《Monster Hunter World: Iceborne》更會追加全新「大師等級」任務，預計PS4版於9月6日就會正式發售，電腦版則預計於2019年冬季上架，大家又會否因此大型 DLC 而回鍋再成屠龍勇士呢？
