自1997年第一部《黑超特警組》系列電影推出起至今已22年，期間推出嘅一至三集更席捲全球將近6億美金票房，成為一眾影迷集體回憶。相隔七年後，第四部《Men In Black : International》將於六月回歸，延續經典。
《Men In Black : International》監製 Walter F. Parkes 早前受訪就大談今集故事:「J和K嘅故事告訴觀眾喺這個宇宙沒有一段關係是純屬意外，而前三集為他們的關係畫上一個很完美嘅句號，而新嘅時代我們需要新嘅黑超特警組，加入新嘅特務更可以令整個MIB故事更豐富。如果前三集是紐約市嘅特警故事，新的一集就係『國際特警』。」此外，電影另一監製 E. Bennett Walsh 亦補充：「前三集嘅故事及設定很有六十年代嘅視感，是一個很紐約嘅故事。而喺《Men In Black : International》裡面，我們嘗試為系列加一點色彩，用不同國家、地點嘅獨特性令整個任務更複雜亦更有趣味。當然少不了新嘅特務及新嘅壞人。」
除是次經典故事衝出紐約，進軍世界外，卡士今集亦有大轉獎。前三集嘅傳奇特務J和K分別由 Will Smith 及 Tommy Lee Jones飾演，而《Men In Black : International》就由《復仇者聯盟》系列「雷神」Chris Hemsworth 飾演嘅特務H以及「女武神」Tessa Thompson 飾演嘅特務M接任，繼雷神合作後再擦出新火花。
經典傳奇、全新故事、更強卡士，《Men In Black : International》6月13日正式上映。
