曼聯今季表現糟糕已非新聞，蘇帥自上任後嘅得勝率更被發現為自費格遜離隊後最低，有指本周末嘅「雙紅會」將成蘇B嘅生死之戰，而外媒則指繼任人大熱為今夏離開祖雲達斯嘅艾歷尼。
日前艾歷尼亦終於被正面問到有關自己與紅魔鬼嘅傳聞，但呢位名帥只簡單回應：「我英文不太好，但我正在學習中。」
此返答案可算是模稜兩可，令大家都摸不著頭腦。艾歷尼一方面表示自己英文不太好，可理解為未必可勝任英超曼聯教練一職，但另一方面則表示自己努力學習英語當中，似表示自己正為執教紅魔做好準備。到底艾帥嘅真正含意為何，就留待大家自己解讀了。
艾歷尼於去年夏天辭任祖雲達斯教頭一職，於其執教「班馬兵團」五年間為球隊帶來意甲五連霸，但於歐聯場上則並沒突破。此外，艾歷尼於以往執教AC米蘭時亦曾帶領球隊捧走意甲，於意大利被譽為一級名帥。
國際賽期後，今個星期曼聯將會回歸英超於主場迎戰目前全勝嘅利物浦，雙方狀態比較下似乎失分已係難以避免。紅魔現時距離英超降班區只有兩分，今個星期再有差池隨時會淪為護級分子，即使活禾特如何力保蘇B相信都難敵球迷嘅激烈怒火。
