女權當道 Marvel眾女角推動成立「全女Avengers」

有睇過《Avengers: Endgame》嘅朋友想信都會記得電影最後大戰中全女英雄嘅一幕，刻意打造一個 MCU 嘅女角盛大畫面，令唔少女影迷都感到一下震撼。隨住《Avengers》系列迎來一個小完結，近日就有指 Marvel 或有機會於未來成立一個全女班「復仇者聯盟」。

早前飾演 Captain Marvel 嘅 Brie Larson 就曾公開表示希望可以拍攝一套全女班嘅 Avengers，而近日正忙完拍攝及宣傳《Black Widow》獨立電影嘅元老 Scarlett Johansson 亦於受訪時表示支持:「當一眾 Marvel 女角聚在一起時，那種能量是無法阻檔的，我認為觀眾會非常喜歡看到。」

除以上兩位 MCU 女英雄重頭人物外，另一極具人氣嘅角色 Scarlet Witch 主演 Elizabeth Olsen 亦於受 BuzzFeed 訪問時表示「觀眾都十分喜歡這些女角。男性角色於電影表現得非常好，富有能力之餘亦風趣，滿足了觀眾嘅需要，但同樣女性角色亦一樣，希望大家可以給予我們更多表現時間。漫畫並不只限於男性。」

雖然 Marvel 目前並未有正式回應全女班「復仇者聯盟」嘅傳言，但一眾角色及女權者推動下絕非無可能嘅事，你又會否支持呢？