近日屢屢傳出迪基亞與球會續約談判破裂消息，曼聯為防人財兩失好大機會於今夏就會將佢售出，一向穩定嘅門將位置或會成紅魔今個轉會窗嘅重點。
由於曼聯下季將缺席歐聯賽事，而迪基亞要求嘅薪金亦令球會感到不滿拒絕續約，故普遍都相信迪基亞好大機會於今個轉會窗走人，PSG就係暫時最有機會嘅下一站。
若迪基亞離隊嘅話，蘇斯克查或會考慮用羅美路擔正。但羅美路始終長居後備，而且年紀都唔輕，對急於重建嘅曼聯嚟講絕非一個好選擇。近日 Calciomercarto 就指20歲嘅當拿隆馬或會成曼聯最新目標。
曾被譽為意大利門將希望嘅當拿隆馬近季表現穩定，今季表現就更上一層樓。目前所效力嘅AC米蘭仍然處於爭奪歐聯資格中，若最後失敗嘅話或會令其離心更盛。Calciomercarto 亦透露曼聯只要支付6000－7000萬歐元，AC米蘭就會開綠燈放人。
