英超終於正式煞科。正當全球都在聚焦利物浦與曼城冠軍之際，曼聯主場迎戰降級球隊卡迪夫城又再令球迷失望。
作為本季奧脫福最後一場英超賽事，曼聯今仗雖然派出 Greenwood、達洛治等小將正選上陣，但仍有普巴、拉舒福特、迪基亞等主力在陣，照計面對跌班嘅卡迪夫城應該綽綽有餘。紅魔今仗雖有高達73.4%控球及26次射門，但都未能攻破卡迪夫城大門，更被對方於23及54分鍾各入一球以2:0擊敗，今季以輸波告別奧脫福球迷。
連同今仗在內，曼聯於歐聯反勝PSG後於英超九場錄兩勝兩和五負，比起唔少榜尾球隊更差。紅魔鬼最後以「六六六」66分、排名第6失敗地完成今個球季，下季將再戰歐霸舞台。
猶記得蘇斯克查剛上任時，曼聯球迷曾有段時間以為可以魔性再現、打進前四，普巴、拉舒福特等主力亦曾給予球迷無限希望，於擊敗PSG後更曾一度以為真命天主降臨，紅魔皇朝有望再現。但突然間季尾表現有嚴重落差，甚至比摩佬時期更甚，呢種打擊相信對一眾愛魔之球迷都係非常難受。近日蘇斯克查於唔同渠道訪問都有意無意對陣容暗表不滿，今夏重建可算係當務之急。相信不論是否曼聯球迷，都相當期待下年紅魔可否東山再起。
