曼聯又有買人消息，今次目標為巴塞中場拉傑迪。
隨住靴里拉正式離隊，普巴、馬達等中場大將又盛傳今夏走人，急於重建嘅曼聯近日就被多間傳媒指有意將拉傑迪收歸旗下。據報蘇斯克查視拉傑迪為重建球隊嘅核心，目前已準備用4000萬歐元挖角。
拉傑迪自2014年由西維爾以1800萬歐元轉會費加盟巴塞後，五年內為球會四奪西甲，亦為常規正選球員之一。不過隨住巴塞今季簽入維達爾、艾法亞美路，下季又有超新星迪莊加盟，拉傑迪於球會嘅重要性已經大不如前。拉傑迪目前合約至2021年就會屆滿，不過巴塞並唔願意滿足球員嘅薪金要求，所以今夏絕對有機會放人。
Football Espana 指巴塞方面願意以5500萬歐元價錢放人，曼聯要簽人睇嚟於價錢上要再添小小誠意先得。
