Sky Sports 報導，現時正於澳洲進行集訓嘅曼聯將與迪基亞完成續約談判。
早前教練蘇斯克查受訪時曾指出目前與迪基亞嘅談判進度理想，而今日終於有報導指其續約事宜已接近完成。
據悉曼聯將與迪基亞將會簽署一份長約，周薪將會高達35-37.5萬英磅，成為球壇門將嘅薪金記錄。
迪基亞於近六年四奪曼聯賽季最佳球員，表演一直都備受曼迷讚賞。不過自世界盃回歸後，呢位西班牙門神今季表現明顯有所下跌，上季「紅魔」更破記錄於英超狂失54球，有球迷更指迪基亞已一心尋求轉會跳船，不想再與球隊共進退。
其實近幾季都有迪基亞有意離隊嘅意思，當中以皇馬「Fax機」事件最令人有深刻印象。賽季中隨住迪基亞續約事宜一直未有定案，包括祖雲達斯、巴黎及皇馬都曾被指有意購入呢位門神。
對曼聯而言，球隊嘅薪資架構自山齊士來投已嚴重受影響。曼聯近季戰績欠佳下只能以重金利誘球會來投或續約，若是次以重金續約迪基亞事成嘅話，相信未來紅魔鬼嘅球員平均薪金水平將會愈來愈高，對球會財政帶來極大影響。
