意大利媒體 SportMediaset 報導，國米目前正與曼聯相討盧卡古轉會事宜，紅魔對「小魔獸」7000萬歐元身價堅決不讓。
國際米蘭新帥干地一直都對盧卡古非常欣賞，而盧卡古本人亦對離開曼聯轉投國米感到興趣。據悉盧卡古有觀賞國米今季於意甲對安玻里嘅最後一場意甲比賽，而比賽前後亦一直與同胞尼恩高蘭保持通訊，極有意慾加盟下季有歐聯比賽嘅國米。
根據報導所指，其實盧卡古本人與藍黑軍團已商討好合約條款。若盧卡古轉投國米嘅話，佢將會獲得5年合約，每年為800萬歐元年薪，遠比於曼聯嘅年薪低，但仍獲盧卡古本人接受。
目前國米已正式與曼聯進行談判，但於轉會費用一事上爭持不斷。國際米蘭並唔願意支付曼聯「企硬」嘅7000萬歐元價格，而將比列錫加入交易中亦遭紅魔拒絕。就曼聯而言，球會其實對伊卡迪興趣比較大，但球員本身就比較希望留喺意甲，SportMediaset 就指盧卡古轉會國米，伊卡迪戴巴拿互換為目前最大機會成事嘅轉會。
