La Gazzetta dello Sport 報導，即使轉投曼聯可獲更高年薪，但戴巴拿仍然希望繼續為祖雲達斯效力。
曼聯前鋒盧卡古離隊目前基本上已經鐵定離隊，但下一個東家則仍然未有定案。意甲嘅祖雲達斯、國際米蘭都有意簽入呢位比利時射手，有指國米出價一直未達到曼聯為「小魔獸」嘅定價，而祖雲達斯則會出動戴巴拿+資金利誘紅魔鬼放人。
戴巴拿上季自C朗拿度來投後表現有明顯倒退，不少重要賽事都未能上陣或只獲後備上場，故唔少人都估計祖雲達斯會樂意放走呢位阿根廷球星以獲取心頭好。
不過據意大利媒體報導，即使轉投紅魔可獲更高周薪，但戴巴拿目前只想一心留喺祖記。外媒透露戴巴拿希望可季可以出任「假9號」位置去證明自己，而早前沙利表明C朗將出任左翼鋒則更利戴巴拿於此位置發揮。
戴巴拿目前正處於假期中，La Gazzetta dello Sport 透露佢將會於8月5日正式歸隊後與沙利、尼維特等進行商討並表明自己睇法，希望來季可以繼續為祖雲達斯效力。
曼聯方面目前看來已一心準備好盧卡古離開，若戴巴拿未能當籌碼或許要看意甲雙雄誰更豪氣。
