據多間外媒透露，曼聯中場馬迪已向蘇斯克查發出要求，希望就自己於紅魔嘅前景進行對話。
31歲嘅馬迪自2017年由車路士以4000萬歐元轉投曼聯後共為球隊上陣87場，交出3入球、3助攻。該塞爾維亞球員一直都深受前主帥摩佬愛戴，為中場嘅優先選擇。
自費蘭尼、靴尼拉相繼離隊後，一眾球迷都期待馬迪會有更多上陣機會。不過直至目前為止，蘇斯克查於中場位置上都會優先選擇麥湯文尼而非馬迪，雖然馬迪於比賽中有入選後備陣容，但於過去三場英超上陣時間仍然為零。
於今年較早時間曾經有傳馬迪將會離隊，但蘇斯克查就因為未能簽入迪勤懷斯或桑恩朗達夫作替補而放棄此做法。
據報目前多間歐洲球隊都對馬迪有興趣，若最後蘇斯克查未能與該球星就上陣時間達成共識，馬迪或有機會於9月2日前離隊他投。
