據英國媒體報導，早前遭歐洲足協判罰禁止參與歐戰兩年嘅曼城仍有曙光，該英超豪門仍然有機會可以參與明年歐聯賽事。
雖然國際體育仲裁法庭(Court of Arbitration for Sport)已接受歐洲足協禁止曼城參與歐戰嘅禁令，但同時亦確認曼城方面已就其違反財致規例嘅指控作出上訴。
早前一份由國際體育仲裁法庭發表嘅聲明已表明，現階段要就有一個確實時間完全解決呢宗案件係「不可能」嘅事，意味著呢宗上訢可能會持續一段長時間才會有結果。
英國傳媒近日則報導，因應住上訴時間嘅長短，曼城或仍然有機會可以參與明年嘅歐聯賽事。若上訢過程仍然繼續，而曼城向國際體育仲裁法庭申請暫緩執行禁令，法庭仍然有大機會會批准。
