曼聯今季表現失色，未能打入前四奪下季歐聯資格。蘇斯克查早已揚言今個轉會窗會為球隊進行重建，但無奈未能參戰歐聯令吸引力大減，更有可能未簽到任何球員前就要失去盧卡古。
眾所周知前車仔教頭干地對盧卡古有超濃嘅興趣，而呢位教頭準備執掌嘅國際米蘭亦準備好收購盧卡古作見面禮。據 La Gazzetta dello Sport 報導，盧卡古本人亦希望離開曼聯，早前已飛抵米蘭與國米代表會面，並已落實個人條款。
據悉「小魔獸」與國米合約將為5年長約，基本年薪為750萬歐元，另設有獎金。750萬歐元比現時盧卡古於曼聯所享嘅25.5萬英鎊周薪(年薪約1350英磅)其實有一定程度嘅下降，但呢位比利時前鋒為求出場機會及歐聯參賽資格亦自願降薪轉會。
於曼聯角度，球會亦樂意出售盧卡古以為今夏增兵提供資金，但前題為至少收回2017年收購嘅原價7500萬磅，但呢個數目遠比國米願意付出嘅5500萬磅為高，呢單轉會是否成事或許在於兩間球會可分別作出多少讓步。
